Ilamuhil

ஈஸ்ட்டர் நல்வாழ்த்துக்கள்

2011-04-23T02:52:00.000-07:00

வாசகர்கள் அனைவருக்கும் இனிய உயிர்த்த ஆண்டவரின் நல்வாழ்த்துக்கள்.

எனது வடிவமைப்பு

அபூர்வமான விண்வெளி புகைப்படம்

2011-04-20T03:09:00.000-07:00

இன்று ரிசோர்ஸ்சாட்-2, யூத்சாட், எக்ஸ்-சாட் ஆகிய 3 செயற்கைக்கோள்களை ஏந்தி செல்லும் பி.எஸ்.எல்.வி சி-16 யை வெற்றிகரமாக விண்ணில் ஏவிய விஞ்ஞானிகளுக்கு இளமுகில் சார்பில் வாழ்த்துக்களும்... பாராட்டுகளும் தெரிவித்துகொள்கிறோம்.

இந்தநிலையில், அதி தொழில்நுட்பம் கொண்ட ஸ்கை மேப்பிங்க் டெலஸ்க்கோப்பினால் படம்பிடிக்கப்பட்ட ஏராளமான படங்களை அனைவரும் பார்க்கும் படி இணையத்தில் வெளியிட்டுள்ளது நாசா விண்வெளி ஆய்வு கூடம்.

விண்வெளியில் பூமி கிரகத்திற்கு சொந்தக்காரர்கள் இன்னும் பலர் இருக்கிறார்கள் என்பதை ஞாபகப்படுத்துவதே, இந்தப் புகைப்படங்களை வெளியிட்டதற்கான காரணமென Schultz என்ற விண்வெளி விஞ்ஞானி தெரிவித்ததாக அறிய முடிகிறது.

மேலும் படங்களை காண்பதற்கு இங்கே (நாசா) செல்லுங்கள்

கண்ணிர் அஞ்சலி

2011-04-18T01:38:00.000-07:00

கண்ணிர் அஞ்சலி

லஞ்சமா எங்களுக்கு?

2011-03-25T03:17:00.000-07:00

மாண்புமிகு தமிழக முதல்வராக வரத்துடிப்பவர்களுக்கு...

வணக்கம், நான் திருநெல்வேலி மாவட்டத்தில் உள்ள ஒரு கடைக்கோடி கிராமத்தை சேர்ந்தவன். அரசு பள்ளியிலேயே கல்வியை முடித்தேன். இதற்கு பின்னர் தான் தெரிந்தது, கல்லூரியில் சேர ஜாதி சான்றிதல் வாங்க வேண்டும் என்று... அதை நான் வாங்க பட்ட பாடு இருக்கிறதே எப்பப்பா... தலையாரிக்கு, விஎஒக்கு, ஆர்.ஐ.க்கு, தாலுகா ஆபீஸ் கிளார்க் அப்புறம் அதிகாரிக்கு ...

இத்தனை பேருக்கும் வாய்க்கு அரிசி போட்ட பின்னர் தான்

எனக்கு சன்றிதலே கிடைச்சது. இதற்கு காரணம் அவர்கள் வீசிய அஸ்திரம் என்னை நிலைகுலைய செய்தது.

"உங்க ஜாதியே நம்ம தாலுகாவுல இல்லையே, பின்ன எப்படி சர்ட்டிபிகேட் தரமுடியும்..." ' ஐயா, எங்க குடும்பத்துக்கு ரேசன் கார்டு இருக்கு, சொத்து வரி, நிலவரி, இ.பி பில் இருக்கு, வாக்காளர் அட்டை இதனையும் இருக்கு, பின்ன எங்க ஜாதி லிஸ்ட்ல இல்லேன்னா அதுக்கு நான் என்ன பண்ணுறது... என்றேன் அப்பாவியாக..."

"உங்க குடும்பத்துல யார்க்கவது சர்டிபிகேட் இருக்கா? " இல்லை சார்...

"சரி, ஒரு ரூ......... கொடுத்துரு ... மற்றத பார்த்துக்கலாம்..." அப்படி பார்த்துதான் நான் சான்றிதலே வாங்கினேன்..

இதுக்கப்புறம், காலேஜ் படிச்சி, உள்ளூர்ல வேலை இல்லாம கஷ்டப்பட்டு.. வாழ்றதுக்கோ, போகுரதுக்கோ வழி தெரியாம... இப்ப, சிங்கார சென்னைல ஒரு குறைச ஊதியத்துல என் வாழ்க்கை ஓடுது...

இப்போது தேர்தல் வருது..

"கருணாநிதி கிரைண்டர் அல்லது மிக்ஸி என இந்த இரண்டில் ஏதாவது ஒன்றைத்தானே இலவசமாக தருகிறேன் என்று அறிவித்தார்.இதோ பாருங்கள் நான் அந்த இரண்டையும் மட்டுமல்லாது ஃபேனும் சேர்த்து தருகிறேன்!" என்று கடைவீதியில் வியாபாரம் செய்பவர் மக்களிடம் கூவி கூவி ஏலம் போடுவது போன்று, ஓட்டை ஏலம் போடுகிறார் ஜெயலலிதா.

கருணாநிதியும்,ஜெயலலிதாவும் இப்படி வாக்காளர்களை வைத்து காமெடி பண்ணுவதிலும், பிச்சைக்காரர்களாக ஆக்குவதிலும் போடும் போட்டியை பார்த்து அண்டை மாநிலத்தார் சிரியாய் சிரிக்கிறார்கள். நான் கேட்கிறேன்,

டாஸ்மாக்ல என் பாக்கெட்ல இருந்து என் பணத்த எடுத்து எனக்கே மிக்சி கொடுக்குறேன்களே ...

இந்த டெக்னிக்க எங்க கத்துகிட்டீங்க (?!)...

ஐயா/ அம்மா,

எங்களுக்கு இந்த இலவசம் (லஞ்சம்) வேண்டாம். வேண்டாம் .. வேண்டாம் ...

நீங்க ஆட்சிக்கு வந்தவுடன்,

அரசு அலுவலகங்களில் இலவசம சான்றிதல் கொடுக்க சொல்லுங்கள்.

லஞ்சம் வாங்க வேண்டாம் என மக்களையும், அதிகாரிகளையும் எச்சரிக்கை செய்யுங்கள்.

பட்டதாரிகளுக்கு வேலை குடுங்கள்.

ஏழைகளின் விளை நிலங்களை ரியல் எஸ்டேட் வியாபாரிகளிடம் விற்கும் நிலைக்கு தள்ளாதீர்கள்.

கல்வியையும், சுகாதாரத்தையும் இலவசமாக கொடுங்கள்.

விவேக் ஒரு படத்தில் சொல்லுவார், "சாப்பிடுற அரிசி ஒரு ரூபா, ஆன கழிப்பறைக்கு 5 ரூபாயா?" என்று. இதை போலத்தான் இன்றைய நிலை. இதை மாற்றுங்கள்.

ஏழைகள் இருக்கும் வரை இலவசம் தொடரும் என்கிறீர்கள். அனால் அந்த ஏழையின் வாழ்வு மாற நீங்கள் என்ன முயற்சி எடுக்க போகிறீர்கள் ?

அண்டை மாநிலங்களில் மக்கள் வாழ வழி செய்கிறார்கள். நீங்கள் மக்களை சோம்பேறி ஆக்குகிறீர்கள்.

பெட்ரோல், டீசல் விலையை மட்டும் நள்ளிரவு முதல் அமலுக்கு வருகிறது என்கிறீர்கள். ஆனால் எதாவது நலத்திட்ட அறிவிப்பு மட்டும் நடைமுறைக்கு வர நாட்கள் ஆகிறது. நலத்திட்டங்கள் பற்றி அதிகாரிகளிடம் கேட்டால், " பேப்பர்ல அறிவிச்சிருக்காங்க.. ஆனால் எங்களுக்கு எந்த தகவலும் வரவில்லை" என்பார்கள். இந்த நிலையை மற்ற என்ன செய்ய போகிறீர்கள் ?

இலவசங்களை வாக்காளர்கள் மறுக்கும் வரை இந்த கூத்து தொடருமா ?

ஏக்கத்துடன்

இளமுகில்

வைகோ புறக்கணிப்பு சரியா?

2011-03-21T02:48:00.000-07:00

அதிமுக கூட்டணியில் கடந்த 5 ஆண்டுகளுக்கு மேலாக நீடித்த ஒரே அணி ம.தி.மு.க. தான். இரு கட்சியிலும் மதிக்கப்படும் நபராக வளம் வந்த வைகோவை தற்போது கறிவேப்பிலை போல் தூக்கி எறிந்துள்ளது அதிமுக.

சட்டசபை தேர்தல் அறிவிக்கப்பட்டவுடன் அணைத்து கட்சியிலும் கூட்டணி பேரம் நடந்தது. இதில் திமுக - காங்கிரஸ் கூட்டணி உரசல்கள் பின்னர் திருப்பங்கள், பேரங்கள், கெஞ்சல், மிரட்டல் அனைத்தும் முடித்து தற்போது கூட்டாக போட்டோவிருக்கு போஸ் தருகின்றனர்.

ஆனால் அதிமுக அணியில் முதலில் பாமக சேராமலே விலகியது. பின்னர் கார்த்திக் அணி விலகியது. இது எதுவும் அதிமுகவை பாதிக்காது. ஆனால் கூட்டணி கட்சிகளை மதிக்காமல் தனியே வேட்பாளர் அறிவிப்பை வெளிட்டார் ஜெ.,

இதற்கு பின்னர் தேமுக, கம்யுனிஸ்ட் மற்றும் சில கட்சிகள் கூட்டம் கூடி 3 வது அணி அமைக்க இருந்து. அதில் கூட மதிமுக சேரவில்லை. எப்படியும் தனக்கு 30 தொகுதிக்கு மேல் கிடைத்துவிடும் என்ற நம்பிக்கையில் இருந்தது. ஆனால் கடைசி வரை 9 , 8 , 7 ,10 ,13 மற்றும் ஒரு ராஜ்யசபா சீட் என பேரம் நடந்தது. கடைசியில் மதிமுகவை கை கழுவியது. அதை ஜெ., செய்யாமல் மதிமுகவே விலகியதை போல் நாடகம் நடந்தேறியது.

இங்கே ஒரு விசயத்தை கவனிக்க வேண்டும்...

தனது கட்சிக்கு ஒரு அங்கீகாரம் கிடைக்க வேண்டும் என்பதற்காகவும் சுயநலதிர்ககவும் கட்சியை அடமானம் வைக்காமல் தன்மானத்துடன் வெளியுரியுள்ளது. இது பாராட்டுக்குரியது...

மேலும் தனது கட்சி கூட்டத்தில் தனித்து நின்று தேர்தலை சந்திக்க தன்னிடம் (கட்சியிடம்) பணம் இல்லை என்று கூறியுள்ளார். இந்த வெளிப்படையான பேச்சு பல மட்டத்தில் விவாதத்தை கிளப்பியுள்ளது.

இந்த நிலையில் இருவரது கடித தொடர்பும் அனைவரும் அறிந்ததுதான்.

இதை தொடர்ந்து ஒரு புதிய செய்தி கிடைத்துள்ளது.

தூத்துக்குடியில் ஸ்டெர்லைட் ஆலைக்கு எதிரான வைகோ நடத்திய போராட்டமும் இதனால் பாதிக்கப்பட்ட அந்த ஆலையினர் அதிமுக தரப்பை சந்தித்துப் பேசியதாகவும் சொல்கிறார்கள்.

இன்னொருவர் ஜெயலலிதாவுக்கு அவ்வப்போது ஹெலிகாப்டர், விமானம் தந்து உதவும் கர்நாடக தொழிலதிபர். விடுதலைப் புலிகள் ஒடுக்கப்பட்ட நிலையில், இவர் தனது நிறுவனத்தை இலங்கையில் விரிவாக்கவுள்ளார். இதற்காக இவருக்கு உதவிகள் செய்ய முன் வந்துள்ள இலங்கை அதிபர் ராஜபக்சே, இந்தத் தொழிலதிபர் மூலமாக ஜெயலலிதாவுக்கு நெருக்கடி தந்து வைகோவை கூட்டணியிலிருந்து வெளியே விரட்டிவிட்டுவிட்டது என்கிறார்கள்.

எது எப்படியோ கூட்டணி கட்சியினரை கசக்கி பிழிந்து தனது ரீ என்ரியை அறிவித்துள்ளார் ஜெ.

கண்ணீர் அஞ்சலி

2011-02-22T02:41:00.000-08:00

முதலில் உங்கள் அனைவரிடமும் மன்னிப்பு கேட்டுக்கொள்கிறேன்.

பல நாட்களாக எந்த ஒரு இடுகையும் இடவில்லை. அலுவலக இடமாற்றம், பணிமாற்றம் எல்லாவற்றிக்கும் மேலாக சோம்பேறித்தனம், ஆகியவற்றால் சும்மா இருந்துவிட்டேன்.

கடந்த பிப்.20 ம் தேதி மாலையில் ஒரு செய்தி என்னை தாக்கியது. விடுதலை புலிகளின் தலைவர் அண்ணன் பிரபாகரன் அவர்களின் தாயார் பார்வதி அம்மாள் அவர்கள் காலமாகி விட்டார்கள்.

இதுகேட்டு நான் துள்ளி எழுந்தேன். வீணையில் நரம்பு அந்து விழுவதை போல் என் மனதில் இருந்து ஒரு நரம்பு அறுந்து விழுந்தது... மனதில் ஒரு இனம் புரியாத கவலை குடிகொண்டது...

என்னால் எதுவும் செய்ய முடியவில்லையே என்ற விரக்தி, அவர்களின் சிகிச்சைக்கு மறுத்த அதிகார வர்கத்தின் மீது உள்ள கோபம், அவர்களின் மரணத்திற்கு கரணம் நீ... (.................?) என மற்றவர்கள் மீது கைகாட்ட முடியாத கோழைத்தனம், இழப்பின் அழுகை இவற்றால் பிடிக்கப்பட்டுள்ளேன்.

அவர்களுக்கு எனது கண்ணிர் அஞ்சலியை காணிக்கையாக்குகிறேன்.

அவர்களின் ஆத்துமா சாந்தி அடைய இறைவனை பிராத்திக்கேறேன்.

தீபாவளியை கொண்டாடுங்கள்

2010-11-04T01:19:00.000-07:00

சில நாட்களுக்கு முன் வெப் துனியா இணையதளத்தை பார்த்தபோது என்னை ஈர்த்த ஒரு கட்டுரை உங்கள் பார்வைக்கு....

டி.வி‌யி‌ல் தொலை‌க்கா‌தீ‌ர்க‌ள் உ‌ங்க‌ள் ‌தீபாவ‌ளியை

``இந்தியத் தொலைக்காட்சிகளில்... என்பது போய், தற்போது உலகத் தொலைக்காட்சிகளில் முதல் முறையாக திரைக்கு வந்து சில நாட்களே ஆன...'' இதுதான் அனைத்து தனியார் தொலைக்காட்சி நிறுவனங்களும் தற்போது அரைமணி நேரத்திற்கு 60 முறை ஒளிபரப்பப்பட்டு வரும் விளம்பரமாக உள்ளது.

`அனைத்து நிகழ்ச்சிகளையும் பாருங்கள். தீபாவளியைக் கொண்டாடுங்கள்' என்பதோடு நில்லாமல், ``தீபாவளி சிறப்பு நிகழ்ச்சிகள் அனைத்தையும் வழங்குவோர்... '' என்று கூறி ஒரு நீண்ட பெரிய பட்டியலையும் குறிப்பிடுவார்கள்.
அந்தப் பட்டியல் முழுவதும் பல கோடி ரூபாய் விளம்பரங்கள் என்பது டி.வி முன் பண்டிகை நாளில் தவமிருக்கும் பல்லாயிரக்கணக்கானோருக்கு தெரிய வாய்ப்பில்லை.
தீபாவளிப் பண்டிகை என்றால் பொதுவாக அதிகாலையில் எழுந்து எண்ணெய் தேய்த்துக் குளித்து, வீட்டில் விளக்கேற்றி கடவுளை வழிபட்டு, புத்தாடை அணிந்து உரிய இனிப்பு உள்ளிட்ட பதார்த்தங்களை சாப்பிட்ட பின் கோயி‌ல்களுக்குச் சென்று வழிபடுவதாக இருந்தது ஒருகாலத்தில்.
ஆனால், இன்று தீபாவளி உட்பட அனைத்துப் பண்டிகைகளும் சில, பல தனியார் தொலைக்காட்சி நிறுவனங்களின் ஆக்கிரமிப்பால் சிறப்பு நிகழ்ச்சிகளாய் மாறி சின்னாபின்னமாகிச் சிக்கித் தவிக்கிறது.
காலையில் எழுந்தவுடனேயே தீபாவளி சிறப்பு நிகழ்ச்சிகளை ஒவ்வொரு சேனல்களாக மாற்றி, மாற்றிப் பார்க்கும் நிலைதான், குழந்தைகள் முதல் பெரியவர்கள் வரை அனைவரது எண்ணமுமாக உள்ளது.
பிரபல, முன்னாள், இந்நாள் - நடிகர், நடிகைகள், அவர்களின் நடிப்புலக அனுபவங்கள் (!?) அல்லது அவர்கள் காதல் மனைவியுடன் அவர்களது `தலைதீபாவளி அனுபவங்கள்' என தொலைக்காட்சி நிகழ்ச்சிகள் அனைத்திலும் (எந்த சேனல்களும் விதிவிலக்கல்ல) சினிமாவின் ஆதிக்கம் தொற்றிக்கொண்டாகி பல ஆண்டுகள் ஆகி விட்டன.
இதில் சில தொலைக்காட்சிகளில் `ஷூட்டிங் ஸ்பாட்' வேறு. நடிகர் - நடிகைகளின் தீபாவளியைப் பார்க்கும் ஆர்வத்தில் நம் வீட்டு தீபாவளிக் கொண்டாட்டங்களையல்லவா தொலைத்து விடுகிறோம்?
இதற்கெல்லாம் ஒரே தீர்வு, தீபாவளி போன்ற பண்டிகை நாட்களிலாவது டி.வி.-க்கு விடுமுறை என்ற உறுதியை வீட்டிலிருப்பவர்கள் எடுத்து, கேபிளை ஒருநாளாவது எடுத்து விடுவது தான்.
அக்கம்-பக்கம் வீட்டில் இருந்து சத்தம் கேட்டால் கவலையில்லை.
குழந்தைகளுடன் அல்லது வீட்டிற்கு வரும் உறவினர்களுடன், வீட்டில் உள்ள தாய் - தந்தை, பாட்டி-தாத்தா உள்ளிட்ட மூத்தவர்களுடன் பல விஷயங்களைப் பகிர்ந்து, தீபாவளியைக் கொண்டாடலாம். அனைவரும் ஒரே இடத்தில் விடுமுறையில் இருப்பதால், அவர்களை ஒட்டுமொத்தமாக சந்திப்பதே பெரிய நிலையாகி விட்ட இக்காலகட்டத்தில், மகிழ்ச்சியை பரிமாறிக் கொண்டு கலந்து பேசி களிக்கலாம்.
அப்போது தான் வருங்கால சந்ததியினருக்கு தீபாவளியின் முக்கியத்துவமும், கொண்டாட்டங்களின் அனுபவங்களும் கிடைக்கும் என்பதில் ஐயமில்லை.

சுமார் 20 ஆண்டுகளுக்கு முன் தொலைக்காட்சி சேனல்கள் இல்லாத கால கட்டத்தில் கொண்டாடப்பட்ட தீபாவளியின் மகிழ்ச்சி இப்போது இல்லை.
பட்டாசு கொளுத்துவது கூட டி.வி-யில் ஏதாவது செய்தி (!?) போன்ற பார்க்க விரும்பாத நிகழ்ச்சி வரும் போதுதான் என்பதை பெரும்பாலானோர் வாடிக்கையாக்கிக் கொண்டிருக்கிறார்கள் என்பது வேதனையிலும் வேதனை.
தீபாவளிப் பண்டிகை மட்டுமல்ல. பொங்கல் தமிழ்ப்புத்தாண்டு, ஆங்கிலப் புத்தாண்டு, விநாயகர் சதுர்த்தி, விஜயதசமி, கிறிஸ்துமஸ், ரம்ஜான் என அனைத்துப் பண்டிகைகளின் போதும் இதே நிலைதான். சிறப்பு நிகழ்ச்சிகளை அளிப்பதன் மூலம் தனியார் தொலைக்காட்சி நிறுவனத்தினர் பல்லாயிரம் கோடியை கல்லா கட்டி விடுகிறார்கள் என்பதுதான் உண்மை.
அந்த நிகழ்ச்சிகளை வெறுமனே எண்ணெய் பதார்த்தங்களை சாப்பிட்டபடியே பார்த்துக் கொண்டிருக்கும் மக்களுக்கு, வீணான நோயும், மூளை அழற்சியும், உடல் சோர்வும் ஏற்படுவதான் நாம் பெறும் பரிசாக உள்ளது.
மகிழ்ச்சி என்பது பண்டிகை நாட்களில் வீணாக டி.வி. முன் அமர்ந்திருப்பது அல்ல என்பதை பெரியவர்கள் உணர்வதுடன் மட்டுமல்லாமல், தங்கள் வீட்டில் உள்ள இளையோருக்கும் அதனை உணர்த்த வேண்டும் என்பதே இக்கட்டுரையின் மூலம் விருப்பம்.

நல்ல விஷயத்தை யார் கூறினாலும் அதை ஏற்றுக்கொள்ள வேண்டியதுதானே ...
மகிழ்ச்சியுடன் தீபாவளியை கொண்டாடுங்கள்

தீபாவளி வாழ்த்துகள்

2010-11-01T23:14:00.000-07:00

உலகெங்கும் உள்ள அனைத்து சகோதர, சகோதரிகளுக்கும் எனது தீபாவளி வாழ்த்துகள்.

இதை என் வடிவமைப்பில் உங்களுக்கு தெரியபடுத்துகிறேன்.

எம்பிகளின் சம்பளம் உயர்வு .... மக்கள் பணம் கோவிந்தா! கோவிந்தா !

2010-08-25T04:04:00.000-07:00

கடந்த வாரம் முழுக்க எண் மனதில் ஓடிக்கொண்டிருந்த ஒரு சிந்தனை. என்ன சாதிசுட்டஆ ங்கன்னு / கிளிசுட்டங்கன்னு இந்த எம்பிகளுக்கு சம்பளம் கூட்டிருக்காங்க ....?

ஏற்க்கனவே இவுங்க சம்பளம் ரூ. 16 ஆயிரம். இதோட டெல்லில தங்க பங்களா, ஓசி கரண்ட், ஓசி டெலிபோன், விமானத்துல முதல் வகுப்பு. அப்புறம் ஒவ்வொரு கூட்டத் தொடரின்போதும் தினப்படி ஆயிரம் ரூபா. அதாங்க பாராளுமன்றத்துக்குள்ள ஒரு எம்பி நுழையும்போது கையெழுத்து போடுவாங்க. இதுக்கு ஆயிரம் ரூபா. உள்ள போயி அவுங்க பேசினாலும் சரி.. கொரட்ட விட்டு தூங்குனாலும் சரி. அவுங்களுக்கு தினப்படி வந்திடும். இந்த தொகை இப்போ 2 ஆயிரம் ரூபாவாக மாத்தபோரங்க.

பாராளுமன்றத்துக்குள்ள போயி தேவையே இல்லாத விசயத்த பத்தி மணிக்கணக்கா பேசி மக்கள் பணத்தை வீணடிகிரங்க... இந்த லச்சணத்துல இவுங்களுக்கு இப்பொது 16 ஆயிரத்துல இருந்து 50 ஆயிரமா கூட்டி இருக்காங்க...

மக்கள் பணம் இப்படி ஏப்பம் போடுராங்களே ... பணத்த ச்விஸ் பேங்குல அவுங்க அக்கவுண்டுல போட்டுரங்க ...

இதோட வர்ற தேர்தலுக்கு டெபாசிட் தொகை 25 ஆயிரம், கள்ள ஒட்டு போட ஒரு 10 லட்சம் அப்புறம் இதர செலவுகளுக்கு (அதான்யா வாக்காளர்களுக்கு கொடுக்க) ஒரு 10 கோடி இதெல்லாம் சேத்து கொடுதேங்கன்ன ... ரெம்ப சூப்பரா இருக்கும்.

கொடுங்கோலன் டயர் தேசிய தலைவரா ...

2010-08-17T05:32:00.000-07:00

இந்திய நாடு தற்போது 64 வது சுதந்திர தினத்தை கொண்டாடி வரும் வேளையில் திருநெல்வேலி பகுதியில் உள்ள சில பள்ளிகளில் தேசிய தலைவர்கள் படங்களை சேகரித்துக்கொண்டு வரச்சொல்லயுள்ளன. ஆனால் சில மாணவர்களின் பெற்றோர்கள் புத்தகக்க கடையில் உள்ள படங்களை வாங்கி கொடுத்துள்ளனர்.
இந்த படங்களையும் இதன் பின்னணியையும் அறியாமல் மாணவர்கள் பள்ளிக்கு கொண்டு சென்றுள்ளனர். அங்கே மற்ற மாணவர்களின் படங்களுடன் தங்கள் படங்களையும் காண்பித்து விளையாடி உள்ளனர்.
வகுப்பு ஆசிரியர் மாணவர்களிடம் உள்ள படங்களை வாங்கி சரி பார்த்திருகிறார். அப்போதுதான் ஒரு அதிர்ச்சியான சம்பவம் நடந்துள்ளது. தேசிய தலைவர்களுடன், பஞ்சாப் படுகொலை, கொடுங்கோலன் ஜெனரல் டயரின் படமும் அச்சகியுள்ளது. இந்த டயர் தான் பஞ்சாபில் ஆயிரக்கணக்கான அப்பாவி இந்தியர்களை கொலை செய்தவன்.

இவனது படமும் இந்திய தலைவர்களின் படங்களுடன் வெளியானது பலருக்கு அதிர்ச்சியை ஏற்படுத்தியது. இது குறித்து மாவட்ட ஆட்சியருக்கு தகவல் அளிக்கப்பட்டது. அவர் இந்த படங்களை அச்சடித்த அச்சகத்தின் மீது நடவடிக்கை எடுக்கப்படும் என எச்சரித்துள்ளார்.

அடப்பாவிங்களா, எதுல தான் விளையாடுறதுன்னு தெரியல...
நீங்களெல்லாம் இந்தியனா ... தூ...

ரமலான் வாழ்த்துகள்

2010-08-09T07:17:00.000-07:00

ரமலான் வாழ்த்துகள்

நண்பர் ஒருவருக்காக ரமலான் வாழ்த்து அட்டை ஒன்றை நான் வடிவமைத்தேன். அது உங்கள் பார்வைக்கு

தொடர்ந்து முதல் நாளில் இருநது முப்பதாம் நாள் வரை உள்ள துஅ மற்றும் விளக்கம்

நன்றி !

2010-08-04T04:46:00.000-07:00

போய் வாருங்கள் நரேஷ் சார்

நேர்மையான தேர்தல் அதிகாரியான நரேஷ் குப்தா கடந்த மாதம் ஓய்வு பெற்றார். இது தான் இப்போதைய டொபிக். இந்தியாவில் இரண்டு பேர் எனக்கு பிடிக்கும். ஒருவர் நமது முன்னால் ஜனாதிபதி டாக்டர் அப்துல் கலாம். இன்னொர்வர் தமிழக தேர்தல் அதிகாரி நரேஷ் குப்தா. பணியில் நேர்மை, தூய்மை, எளிமை என்ற பெயர் பெற்றவர்கள் இவர்கள். இதில் இருவரும் பணி ஓய்வு பெற்ற பின் இதே எளிமையாக வாழ்கின்றனர்.

உத்திரப் பிரதேச மாநிலத்தைச் சேர்ந்தவர் நரேஷ் குப்தா. 1973-ம் ஆண்டு பிரிவைச் சேர்ந்த ஐ.ஏ.எஸ். அதிகாரியான இவர், தொடர்ந்து 37 ஆண்டுகள் அரசின் பல்வேறு துறைகளில் திறம்பட பணியாற்றியவர். ஒரு சாமானியனைப்போல எந்த பந்தாவுமின்றி எளிமையுடனும் நேர்மையாகவும் பணியாற்றிய இவரது ஸ்டெயில் எனக்கு ரொம்ப பிடிக்கும்.சிலரை பார்க்கும் போது நாமும் இப்படி இருக்க வேண்டும் என எனக்குள் தோன்றும். அப்படி நான் பார்த்து வியந்த, விரும்பிய, ஒரு அதிகாரி இவர்.

பல இடுகைகளிலும் இணையதளத்திலும் பலர் இவரை ஆளுமைதிறன் அற்றவர் என்றும், தி மு க வின் அராஜகத்தை இவர் கண்டிக்க வில்லை என்றும். ஓட்டு போடுவதற்கு பணம் வழங்குவதை தடுக்க வில்லை என்றும் கூறியுள்ளனர்.
இது தவறு என நான் கூறுகிறேன். தமிழ் நாட்டில் புதிய நீதிபதி, சென்னையின் உயர் அதிகாரி புதியதாக யார் நியமிக்க பட்டாலும் உடனே முதல்வரின் ஆசீர்வாதம் பெற்ற பின் தான் தங்களுடைய நாற்காலியில் அமர்வார்கள். அவ்வளவு விசுவாசம். ஆனால் தன்னுடைய பதவி காலத்தில் ஒருமுறை கூட சந்திக்கவில்லை. இது முதல்வருக்கு வருத்தம் தான் .

ஆளும் கட்சியை சாராமல், எதிர் கட்சி களிடம் திட்டு வாங்கி, மக்களிடம் நல்லவர் என பேர் எடுத்தவர்.

இவரது பணி மற்ற அதிகாரி களுக்கு ஒரு பாடம்.

இதில் இவர் இனி புத்தகம் எழுதவோ, அரசியல் செய்யவோ போவதில்லை என்று கூறிவிட்டார்.

இவரை போல் இன்னொரு அதிகாரி கிடைப்பாரா?
அவர் அரசியல் சாயம் இல்லாமல் இருப்பாரா ...

vethanai

2010-07-24T01:20:00.000-07:00

சிவாவை மறந்த தலைவர்கள்

இந்திய விடுதலைக்காக பல தியாகிகள் உயிர் நீத்துள்ளனர். அந்த வகையில் சுதந்திர இந்தியாவை உருவாக்க பாடு பட்டவர்தான் சுப்ரமணிய சிவா. இவரது நினைவு நாள் ஜூலை 23 ம் தேதி. அன்று இவரது உருவ படத்திற்கு மாலை அணிவித்து மரியாதை செய்ய தமிழக அரசு மறந்து விட்டது.

ஆட்சியாளர்களுக்கு சொத்து சேர்ப்பதில் குறி. அரசு அதிகாரிகளுக்கு எப்படி மாட்டிக்கொள்ளாமல் லஞ்சம் வாங்குவது என்ற சிந்தனையில் சிவாவை மறந்து விட்டார்கள்.

அது சரி யார் இந்த சிவா...?

செக்கிழுத்த செம்மல் சிதம்பரனார், இவரை "சிவம்" என்றும், மகாகவி பாரதி "சிவாஜி"
என்றும், தேசபக்தர்கள் "சிவா" என்றும் அழைப்பார்கள்.

மதுரை மாவட்டம் வத்தலக்குண்டு என்ற ஊரில் ராஜம் ஐயருக்கும் நாகலட்சுமி
அம்மாவுக்கும் 4-10-1884-ஆம் ஆண்டு பிறந்தவர் சிவா.

12வது வயது வரை இவர் மதுரையில் படித்தார். திருவனந்தபுரத்திற்குச் சென்று அங்கு
இலவசமாக படித்து வந்தார். அதன் பிறகு
கோயம்புத்தூரில் ஓராண்டு படித்தார். அவர் நெஞ்சில் தேசபக்தி முளைவிடத்
தொடங்கிய காலம் அது. தென் ஆப்பிரிக்காவில் வெள்ளையர்களுக்கு எதிராக வீரமுடன்
போராடிய போயர்களைப் பாராட்டி ஆங்கிலத்தில் அப்போது எழுதிய கவிதைகள் பல
குடும்பத்தின் தேவை கருதி சிவகாசியில் காவல்
துறையில் எழுத்தராகச் சேர்ந்தார். சேர்ந்த மறுநாளே அப் பணியிலிருந்து விலகி
விட்டார்.

1899-ல் மீனாட்சி அம்மையைத் திருமணம் செய்து கொண்டார். திருவனந்தபுரம் சென்ற
சிவா இளைஞர்களை ஒன்று திரட்டி, "தரும பரிபாலன சமாஜம்" என்னும் அமைப்பை
ஏற்படுத்தினார். இதனால் திருவிதாங்கூர் மாநில அரசு இவரை அம்மாநிலத்தை விட்டு
வெளியேற்றியது.

ஊர் ஊராக விடுதலை முழக்கம் செய்து கொண்டே 1908-ஆம் ஆண்டு தூத்துக்குடி வந்து
சேர்ந்தார்.தூத்துக்குடியில் சிதம்பரனார் இல்லத்தில் தங்கினார். பற்றி எரியும்
தீப்பந்தங்களாக சிதம்பரனாரும், சிவாவும் விடுதலை உணர்ச்சி எனும் வெளிச்சத்தைப்
பரப்பினர். தூத்துக்குடியில் கோரல்மில் தொழிலாளர்களுக்காக வ.உ.சி.யும்,
சிவாவும் போராடினர். காலையில் கைரேகையைப் பார்க்கும் அளவுக்கு வெளிச்சம் படர
ஆரம்பிக்கும்போது வேலையைத் தொடங்கி உணவுக்குக் கூட இடைவேளை இல்லாமல் மாலையில்
கைரேகையைப் பார்க்க முடியாத அளவில் வெளிச்சம் மறைந்து இருள் பரவும் வரை வேலை
பார்க்க வேண்டும். இதற்கு "ரேகையைப் பார்த்து ஓட்டுதல்" என்று பெயர்.

இந்திய விடுதலைப் போரோடு தொழிலாளி வர்க்கத்தின் கோரிக்கைப் போரையும்
இணைத்து வ.உ.சி.யும், சிவாவும் கனல் தெறிக்கப் பேசி களம் இறங்கினர். "வந்தே
மாதரம்" என முழக்கமிட்டு தொழிலாளர்கள் ஊர்வலங்கள் நடத்தினர்.

இதன் விளைவால் சுதந்திர உணர்ச்சி பீறிட்டு எழ, வணிகர்கள் ஆங்கிலேயர்களுக்கு
உணவுப் பொருள்களை விற்க மறுத்தனர். அவர்களுக்கு வேலை செய்த உள்ளூர்
பணியாளர்கள் தொடர்ந்து பணியாற்ற மறுத்தனர். வீதியில் வெள்ளையர்கள் வந்தால்
அவர்களை வந்தே மாதரம் என்று முழக்கமிடுங்கள் என்று கட்டாயப்படுத்தினார்கள்
தேசபக்தர்கள். ஆங்கிலேயர்களுக்கு முடி வெட்டவும், முகச்சவரம் செய்யவும், துணி
வெளுக்கவும் தொழிலாளர்கள் மறுத்தனர். தொழிலாளர் போராட்டம் வெற்றி பெற்றது.

15-5-1915 அன்று எலும்புருக்கி நோயால் அவருடைய மனைவி இறந்தார். இதன் பின்னர்
இவருடைய சுற்றுப் பயணங்கள் மிக அதிகமாயின. முதலில் காரைக்குடியில் பாரத ஆசிரமம்
தொடங்கிய சிவா, பின்னர் சேலம் ஜில்லா பாப்பாரப்பட்டியில் அவருடைய நண்பர்
சின்னமுத்து முதலியார் மற்றும் நண்பர்கள் உதவியோடு நிலம் வாங்கி அதற்குப்
"பாரதபுரம்" என்று பெயரிட்டு அதில் பாரத ஆசிரமம் ஏற்படுத்தினார். சிவமும் இந்த
ஆசிரமத்தின் மற்ற உறுப்பினர்களும் அதிகாலை எழுந்து மகாகவி பாரதியின் பாடல்களைப்
பாடிக் கொண்டு தெருத் தெருவாகச் சென்று அரிசியும் காசுகளும் பெற்றுப்
பிச்சையெடுத்து வாழ்க்கையை நடத்தினார்கள். மற்ற நேரங்களில் தேசத் தொண்டு,
தேசத் தொண்டு என்பதே அவர்கள் மூச்சாகத் திகழ்ந்தது. இந்த பாரத ஆசிரமம்
சார்பில் தமிழ்நாடு முழுவதும் சுற்றுப்பயணம் செய்தார்கள்.

இந்த ஆசிரமத்தில் உறுப்பினர்களாகச் சேர விரும்புபவர்கள் தேசப்பற்றுடன் ஜாதி மத
பேதம் பாராட்டாமல் ஒழுக்கத்திலிருந்து சிறிதும் தவறாமல் நடக்க வேண்டும் என்பன
முக்கியமான விதிகளாகும். இந்த அறிக்கையின் தொடக்கத்தில் நடுவில் "ஓம்" என்று
தொடங்கி இடப்புறம் "வந்தே மாதரம்" என்றும் வலப்புறம் "அல்லாஹூ அக்பர்" என்றும்
பொறிக்கப்பட்டிருந்தன.

தமிழ்நாட்டுக்கு சித்தரஞ்சன் தாஸ் வருகை தந்து சேலம் போன்ற
இடங்களில் நிகழ்ச்சிகளில் கலந்து கொண்டு பெங்களூர் செல்லும் வழியில்
பாப்பாரப்பட்டிக்கு வருமாறு சிவம் அழைத்தார். சித்தரஞ்சன் தாஸுக்கு
பாப்பாரப்பட்டி ஊராட்சி மன்றத்தினர் வரவேற்பு அளித்தனர். பின்னர்
பாரதபுரத்திற்கு அழைத்துச் செல்லப்பட்டார்.

இந்துக்கள், இஸ்லாமியர்கள், கிறிஸ்தவர்கள், பெளத்தர்கள், சீக்கியர்கள் என்று
பேதமில்லாமல், அரிஜனங்கள் அந்தணர்கள் என்று ஜாதிமத பேதமில்லாமல் அனைவரும்
சென்று வழிபடுவதற்குரிய ஆலயமாக எழுப்பி அதில் புதுச்சேரியில் பாரதியும்
நண்பர்களும் வடிவமைத்த பாரத மாதா சிலையை எழுந்தருளச் செய்ய வேண்டும் என்று
திட்டமிட்டார். (அச்சிலை இப்போதும் பாப்பாரப்பட்டி காலஞ்சென்ற சின்னமுத்து
முதலியார் வீட்டில் இருக்கிறது) இந்தச் சிலையை மேற்கு நோக்கி வைக்க வேண்டும்
என்றும், மாதாவுடைய பார்வையிலேயே மேற்கு நாடுகள் பூட்டிய அடிமை விலங்குகள்
நொறுங்கிப் போகும் என்றும் நினைத்தார் சுப்பிரமணிய சிவம்.

இங்கு பூசாரி இருக்க மாட்டார். அவரவரும் மாதாவைத் தொட்டு வணங்கிச் செல்லலாம்
என்று கூறினார். இந்தப் பாரத மாதா கோயிலுக்கு அடிக்கல் நாட்ட மிகுந்த அன்போடு
சித்தரஞ்சன் தாஸைக் கேட்டுக் கொண்டார் சிவம். மிகுந்த தெய்வச் சிந்தையோடு
பக்திப் பரவசமாக மாறிவிட்ட சித்தரஞ்சன் தாஸ், 23-01-1923 அன்று அடிக்கல்
நாட்டினார்.

ஒரு நிமிடம் கை கூப்பி தியானத்தில் ஆழ்ந்தார் தாஸ். கண் விழித்து சிவத்தை
அருகிலே அழைத்து அவரிடம் தன்னிடமிருந்த சிறு தொகையை நன்கொடையாகக் கொடுத்து
தன்னாலான அனைத்து உதவிகளையும் செய்வதாக வாக்களித்தார்.

தமிழகமெங்கும் சுற்றுப் பயணம் செய்து இந்த ஆலயத்தை எழுப்புவதற்கு வேண்டிய
நிதியையும் பிற உதவிகளையும் பெற சிவா திட்டமிட்டபோது சிவாவுக்கு சிறைக்
கொடுமையால் தோன்றிய தொழுநோயைக் காரணம் காட்டி அவர் பேருந்திலோ, ரயிலிலோ
பயணம் செய்யக்கூடாது என்று தடுத்தது அன்னிய அரசு. ஆனாலும் மனம் தளராமல் மாட்டு
வண்டிகளிலும் கால்நடையாகவும் ஊர் ஊராகச் சென்று எங்கெல்லாம் மக்கள்
கூடியிருக்கிறார்களோ அங்கெல்லாம் சொற்பொழிவாற்றினார் சிவா.

22-07-1925 அன்று சுற்றுப்பயணத்திலிருந்து திரும்பி பாரத ஆசிரமம் வந்து
சேர்ந்து தன் நண்பர்களிடத்தில் மனமகிழ்ந்து பேசிக் கொண்டு விரைவில் ஆலயத்தை
எழுப்பி விடலாம் என்று நம்பிக்கை தெரிவித்தார். மறுநாள், 23-07-1925
வியாழக்கிழமை அவருடைய 41வது வயதில் அனைவருக்கும் பொதுவான பாரத மாதா ஆலயத்தை
எழுப்புவதையே தன் பேச்சாகவும் மூச்சாகவும் கொண்டு வாழ்ந்த சிவாவின் இறுதி
மூச்சு அதிகாலை 5 மணிக்குப் பிரிந்தது.

இவ்வளவு சிறப்பு பெற்ற அவரின் நினைவு நாளில் அவருக்கு மரியாதை செய்யப்படவில்லை என்பதை அறியும் போது நெஞ்சம் கனக்கிறது.

ஒரு வேளை அரசு, அவருக்கு மரியாதை செய்திருந்தும், அதை பத்திரிக்கைகளில் வெளிவிடவில்லையோ என்று எண்ணி தமிழக அரசின் இணையதளத்திலும் சென்று பார்த்தேன். ஆனால் அந்த செய்தியே என் கண்ணில் படவில்லை.

பொய் வழக்கு போட்டு நேர்மையான அரசு அதிகாரியான உமா சங்கரை சஸ்பென்ட் செய்றதுக்கும், பதிவர் சங்கரை கைது செய்றதுக்கு திட்டம் தீட்டுரதுக்கு நேரம் கிடைக்குது. ஆனால் சுதந்திர போராட்ட தியாககிக்கு அஞ்சலி செலுத்த நேரம் இல்லை.

உண்மையில் உனக்கு ...(அரசியல் வா(வி)யாதிகள்/ அரசு அதிகாரிக்கு ) ரோசம்மு ஒண்ணு இருந்துச்சுனா வர்ற சுதந்திர தினத்துக்கு நீங்க உங்க கையாள தேசிய கொடியை ஏத்த வேண்டாம்...

வாழ்க ஜனநாயகம் ...

photos

2010-07-20T08:01:00.000-07:00

எனது நண்பன் அளித்த சில புகைப்படங்கள் உங்கள் பார்வைக்கு ...

நன்றி

vethanai

2010-07-12T08:47:00.000-07:00

வேண்டுதல் வேண்டாமை இலானடி சேர்ந்தார்

நிலமிசை நீடுவாழ் வார். குறள்: 4

தாக்கபடுவதர்க்கா தமிழர் இனம் ?

இந்திய வரலாற்றில் தமிழர் இனம் புகழுடன் வாழ்தற்கு பல அடையாளங்கள் உள்ளன.

பாண்டியர்கள், சேரர்கள், சோழ மன்னர்கள், பல்லவர்கள் கடல் கடந்து தனது வெற்றி வாகையை சூடியுள்ளனர். உலகில் மிகவும் பழமையான மொழி நாம் தமிழ் தான்.

இவ்வாறு தாரணி போற்றும் வாழ்ந்த நாம் இப்போது எப்படி இருக்கிறோம் ?
கடந்த வாரம் நாளிதழ்களில் வந்த செய்தி நம்மை நிலைகுலையச் செய்து விட்டது. நாகை மாவட்ட மீனவர் செல்லப்பன், இலங்கை ராணுவத்தால் அடித்து கொல்லப்பட்டார். மீனவர் மட்டுமல்ல ... தமிழகத்திலேயே பரபரப்பை ஏற்படுத்தியது இந்த சம்பவம்.
இந்த வாரம் மீண்டும் மீனவர்களை தாக்கி மீன்கள் கொள்ளை அடித்து சென்றுள்ளனர்.

அடப்பாவிங்களா ... சிங்கள வெறியனே... இலங்கையில் இருக்கிற தமிழர்களையும் கொல்லுற...
தமிழ் நாட்டுல இருக்கிற தமிழ் மீனவர்களையும் கொல்லுற... ஏன்டா நாங்க என்ன பாவம் செஞ்சோம்.. கோஞ்சம் கூட இரக்கமே இல்லாம இப்படி கொள்ளுரேயே உங்க புத்தர் தமிழர் களை கொள்ளுங்கனு சொல்லி இருக்காரா...
உங்களுக்கும் சோமாலிய கொள்ள கரங்களுக்கும் என்ன வித்தியாசம்..

எங்க அம்மா கொட நாட்டுல தூங்குறாங்க ...
எங்க ஐயா குடும்ப பிரச்சனைல இருக்குறாரு...
சில கைதடிங்க அவருக்கு முதுகு சொறிஞ்சிகிட்டு இருக்குறாங்க ...
பலர் கூட்டத்தோட கோவிந்தா போட்டுக்கிட்டு இருக்குறாங்க..

நாங்க பொறுமையா இருப்போம். அது வரைக்கும் தான் உங்க ஆட்டம். முதல் பத்தியில் நாங்க கடல் கடந்து வெற்றி பெற்றோம்முனு சொல்லி இருக்கிறேன். அது அந்த காலம் மட்டுமல்ல இந்த காலமும் திரும்பும். நாங்க திருப்பி அடிச்சோம் நீங்க தங்க மாட்டிங்க.

பிறகு "உங்க மீனவர்கள் எங்களை தாக்க வேண்டாம் என்று சொல்லுங்கள்" அப்படின்னு நீங்க இந்தியாவிடம் கோரிக்கை வைக்க வேண்டி இருக்கும். இன்னமும் நாங்க இந்த அரசியல்வாதி (வியாதி) களை நம்ப தயாரா இல்ல.

போதும் தமிழா...
நீ பொறுத்து

பொங்கி எழு...
மன்னிக்கவும்
பொங்கி எழுவோம் ..
இணைவோம் ஒன்றாக ...

- தோழமையில்

சகோதரன்

Technology

2010-07-02T04:37:00.000-07:00

மலர்மிசை ஏகினான் மாணடி சேர்ந்தார்

நிலமிசை நீடுவாழ் வார். குறள் : 3

மொபைல் ஸ்க்ரீன் சேவரில் உங்கள் பெயர்

        தற்போது அனைவரின் அடையாளமும் மொபைல் எண் தான். முன்பெல்லாம் ஒருவரின் அடையாளம் அவரது வீட்டு எண்ணும் முகவரியும் தான். இப்பொழுது பல மாடல்களில் மொபைல் வந்துவிட்டது.
மொபைல் ஸ்க்ரீன் சேவரில் பல அனிமேசன் படங்கள், வீடியோ வைத்திருப்போம். இதில் நம் பெயர் வந்தால் எப்படி இருக்கும்? அதைத்தான் நாம் உருவாக்க போகிறோம்.
மிகவும் எளிமையான முறையில் உருவாக்கலாம்.

முதலில் நாம் www.reddodo.com      தளத்திற்கு செல்வோம்.

அதில் 12 பக்கங்கள் உள்ளன நமக்கு விரும்பிய படத்தை தேர்வு செய்துகொள்வோம். (படம் 1)

     இரண்டாவது படத்தில் (1 ) நமது மொபைலின் மாடல் தேர்வு செய்துகொள்வோம். நமது மாடல் இல்லையெனில் generic . (2 ) படத்தில் அளவு , (3 ) நமது பெயர். (4 ) Refresh பொத்தனை கிளிக் செயதால் அருகில் உள்ள Preview-ல் நமது பெயர் அழகான அனிமேசெனில் வளம் வரும்.

Preview-ல் ரைட் கிளிக் செய்து save செய்துகொள்ளலாம்.

இதை bluetooth அல்லது data Cable மூலம் நமது மொபைலுக்கு மற்றிகொள்ளலாம்.

அடுத்த பதிவில் சந்திக்கிறேன்.

2010-06-24T06:46:00.000-07:00

தமிழ் மாநாட்டில் தமிழர் அவமதிப்பு

தமிழர்களின் பெருமை மிகு மாநாடாக செம்மொழி மாநாடு கோவையில் கோலாகலமாக நடைபெற்று வருகிறது. ஆனால் மாநாட்டு நிகழ்ச்சி நிரலை பார்த்தவர்கள் ஒவ்வொருவரும் அதிர்ந்து போகிறார்கள்.

உலகத் தமிழர்கள் அனைவரையும் மகிழ்வுடன் வரவேற்கும் தமிழக அரசு அறிவியல் தமிழனாகவும் தமிழனின் பெருமையை உலகிற்கு உணர்த்திய சிறப்பிற்கு உரியவரும், இந்தியாவை அணு ஆயுத வல்லரசாக மாற்றியதில் முக்கியப் பங்கு வகித்தவரும் இளைஞ்சர்களின் கனவு நாயகனாகவும் விளங்கும் டாக்டர் ஏ பி ஜே அப்துல்கலாம் அவர்களை ஏன் அழைக்கவில்லை என்ற வினா பூதாகாரமாக எழுப்பப்பட்டு வருகிறது.

தமிழக அளவில் உள்ள அனைத்து மத்திய, மாநில அமைச்சர்கள் மற்றும் வி.ஐ.பி.கள், சிங்கப்பூர், மலேஷியா போன்ற நாடுகளிலும் உள்ள முக்கியப் பிரமுகர்கள் வருகை தந்துள்ளனர். அல்லது வரவழைகப் பட்டுள்ளனர்.
ஆனால் அப்துல் கலாம் ஏன் வரவில்லை? அப்துல் கலாம் திட்டமிட்டு புறக்கனிக்கப்பட்டாரா? போன்ற கேள்விகள் தற்போது எழுந்துள்ளது.

அப்துல் கலாம் புறக்கணிக்கப்பட்டது குறித்து சர்ச்சைகள் எழுந்து வருவது குறித்து மாநாட்டு பொறுப்பாளர்கள் விளக்கம் அளிக்க மறுத்து வருகின்றனர்.

அப்துல் கலாம் செம்மொழி மாநாட்டில் பங்கேற்றால் மீடியாக்கள் அவரைச் சுற்றியே வட்டமிடும். பொதுமக்களும் அவரைக் காணவே விரும்புவார்கள். குழந்தைகளும் மாணவர்களும் அவரோடு பேசப் போட்டி போடுவார்கள். இதுபோன்ற ஒரு சூழ்நிலை ஏற்பட நிகழ்ச்சி நடத்துபவர்கள் விரும்பவில்லை. எனவேதான் அப்துல்கலாமை திட்டமிட்டே புறக்கணித்துவிட்டனர் என்று ஒரு சாரார் குற்றம் சாட்டுகின்றனர்.

அறிவியலின் தமிழர்கள் உயர்ந்தவர்கள் என்பதை இரு பெருந் அறிஞர்கள் உலகிற்கு வெளிப்படுத்தினார்கள். அவர்கள் தான் டாக்டர் அப்துல் கலாம் மற்றும் மயில்சாமி அண்ணாதுரை. இதில் அண்ணாதுரைக்கு அழைப்பிதழ் அனுப்பியதாக தெரிகிறது. அனால் கலாம் அவர்களுக்கு அனுப்பியதாக தெரியவில்லை.

இதுகுறித்து பஸ்சில் போகும்போது என் நண்பர்களுடன் பேசிகொண்டிருக்கும் போது, ஒருவர் சொன்னார் ....

" உண்மையில் தமிழர்களுக்க மாநாடு நடத்தபட்டால் அவரை (கலாம் ) கூப்பிடலாம் ஆனால் கருணாநிதி தன்னை புகழ தானே மாநாடு நடத்துறார். இதுல தன்னை புகழுற ஆட்களை மட்டும் கூப்பிடுருவர்... கலாம் , கருணாநிதியை புகழ மாட்டரே...! (?) தமிழைதனே புகழ்வார்... அதன் கூப்பிடல...." (ஆஹா, என்ன ஒரு கண்டுபிடிப்பு )

ஒரு குறுந் தகவல்

"சாகும் தமிழனுக்கு ....
சாப்பாடு இல்லை ?

சாகா வரம் பெற்ற
தமிழ் மொழிக்கு
ஐந்து நாள் செலவு
முன்னூத்தி என்பது கோடிகள்..."

தமிழா யோசி. யோசி.. யோசி...

இந்த மனங்கேட்ட பொழப்பு தேவையா ?

என் முதல் உரை

2010-06-11T08:12:00.000-07:00

அகர முதல எழுத்தெல்லாம் ஆதி
பகவன் முதற்றே உலகு.

வணக்கம், உலகெங்கும் உள்ள தமிழ் மக்களுக்கு ...
எண்ணற்ற தமிழ் பிளாக்குகள் இருக்கும் போது நான் என்ன புதியதாக எழுத போகிறேன் என தெரியவில்லை...

ஆனால் எனது சந்தோசம், துக்கம், அனுபவங்களை உங்களுடன் பகிர்ந்து கொள்கிறேன்...

அதிக மனிதர்கள் நண்பர்களாக எனக்கு இல்லாதபோது புத்தகங்களே எனக்கு பலமுறை நண்பர்களாகவும், ஆலோசகராகவும் இருந்துள்ளது அந்த தைரியத்தில்
எடுத்த முடிவு தான் இந்த பதிவு....

தொலைதூரத்தில் இருக்கும் என் பெற்றோரின் ஆசிவுடனும், என் மீது அதியம் பாசம் வைத்துள்ள என் தங்கையின் வழிகட்டுதளுடனும் என் முதல் அடியை பதிலுகத்தில் வைக்கிறேன்...

நன்றி...